Við í Borgaskóla höfum notið þjónustu Baujunnar í áratug. Þetta starf hefur verið nemendum okkar og starfsfólki ómetanlegt til að bæta líðan einstaklinga, bekkjaranda og skólabrag. Við stöndum í miklu þakklæti við Bauju og gleðjumst yfir að fá að hana til að starfa áfram með okkur.

Stjórnendur Borgaskóla (Inga Þórunn og Árdís)

Ég hef verið að nota námsefni Baujunnar frá 2002 í mínum skóla. Ég hafði leitað lengi að einhverju sem nýttist mér í starfi sem náms- og starfsráðgjafi til þess að efla sjálfsmynd nemenda en ekki fundið.

Aðferð Baujunnar er einföld og höfðar vel til grunnskólanema á öllum aldri. Reynslan hefur verið mjög góð. Námsefnið byggir á að kenna fólki ábyrgð á eigin líðan og þar af leiðandi hegðun og er einfaldlega sjálfsstyrking sem byggir á slökunaröndun og tilfinningavinnu. Þeir sem tileinka sér þessar aðferðir verða færari í að tala um eigin tilfinningar og vinna sig út úr erfiðum aðstæðum sem upp koma í lífinu. Námsefnið er einstakt og tekið út frá öðru sjónarhorni en algengt er. Vegna þess hve aðferðin er einföld og fljótvirk þarf efnið að komast til fleiri aðila. Þó margir nýti sér efni Baujunnar þá hefur það verið lítið kynnt og nauðsyn að koma þessu til fagfólks sem vinnur fyrirbyggjandi starf. Mín skoðun er sú að ef vel tekst til í grunnskóla með að byggja nemendur upp þá búi þeir að þessu alla ævi og hafa fengið í hendur verkfæri til að stjórna eigin líðan. Nú hafa allir nemendur hér frá 7.-10. bekk farið í Baujuna. Það er svo gott að rifja upp með þeim efnið ef eitthvað kemur upp á. Mér finnst þetta frábært. Ef ég á að segja eitthvað í stuttu máli þá svínvirkar efnið.

Sigríður Bíldal, Námsráðgjafi Holtaskóla.

„Með því að læra lyklana stjórna ég líðan minni og hegðun gagnvart öðrum og læt ekki stjórnast af öðru fólki. Ég nota lykla Baujunnar meðvitað alla daga og líður mikið betur.Tek ekki líðan annarra inn á mig. Ég mæli hiklaust með Baujunni, ég væri ekki í þeim sporum sem ég er í í dag ef ég hefði ekki lært hana. Er ákveðnari, læt heyra í mér ef mér mislíkar, stend með sjálfri mér og er ánægðari. Einföld en mjög góð tækni til að ná tökum á lífi sínu á allan hátt.“

Jenný Sigurðardóttir, deildarhjúkrunarfræðingur á Grund

„Ég er bjartsýnni, afslappaðri og horfi meira á jákvæðu hlutina. Frábært og skemmtilegt námskeið sem ég mæli eindregið með! Ég lærði ótrúlega margt sem nýtist mér vel. Þetta námskeið hjálpaði mér mikið með þunglyndið“

Elsa Björk.

„Mig langaði til að ná betri svefni, eiga auðveldara með að sofna. Ég náði því að sofna eftir hádegi þegar ég lagði mig og er það algjör nýjung hjá mér. Ég hugsa meira um öndun og slökun en ég hef áður gert. Markmiðið er að þjálfa áfram það sem mér hefur verið kennt um ókomin ár. Ég mæli hiklaust með námskeiðinu.“

„Enginn er fullkominn. Ég er orðin jákvæðari og er búin að læra að hafa stjórn á tilfinningum mínum. Ég er orðin sjálfsöruggari. Baujan er góð fyrir líkama og sál.“

„Ég er orðin jákvæðari og fengið meira sjálfsöryggi. Ég kann að vinna með sjálfa mig og get unnið úr allri vanlíðan. Ég mæli með þessu fyrir alla. Frábært námskeið og yndislegur kennari sem er gott að tala við“

„Ég hef meiri sjálfstjórn, líður betur og er jákvæðari. Æðislegt námskeið sem hjálpar mjög mikið. Yndislegt að mæta og mann hlakkar alltaf til að koma og læra eitthvað nýtt. Hefur hjálpað mér mjög mikið og ég mæli eindregið með Baujunni“

„Mér líður betur tilfinningalega, allir þurfa á þessu efni að halda!“

„Ég styrktist meðan á námskeiði stóð og er orðin miklu öruggari. Þetta er mjög lærdómsríkt og gefandi námskeið. Bestu þakkir“

Rún.

„Mjög ánægð með þetta námskeið og mæli eindregið með því fyrir alla. Hefur gefið mér mjög mikið. Ég er orðin glaðari, jákvæðari, rólegri, bjartsýnni með framtíðina og meðvitaðri um öndun.“

Sonja Magnúsdóttir.

„Ég er jákvæðari, brosi meira, hendi slæðu yfir erfiða, nota öndunaraðferð ef ég er pirruð, reið eða annað. Ég ræð betur við erfiðleika. Ég mæli pottþétt með þessu námskeiði við aðra. Þetta er frábært námskeið sem gefur manni fullt af mikilvægum lyklum. Ég væri mikið til í að fara aftur á svona því það hefur hjálpað mér slatta og mér líður betur andlega. Svo er kennarinn frábær, falleg og alltaf brosandi sem fær aðra til að brosa og vera kát.“

Alda

„Haustið 2003 fór ég undirrituð á fræðslufund hjá FNS (Félagi Náms- og starfsráðgjafa). Á fundinum hélt Guðbjörg Thoroddsen athyglisvert erindi um sjálfstyrkingarnámskeið (Baujuna) sem hún hafði búið til og kennt í nokkrum skólum.Ég heillaðist af erindi hennar og setti mig stax í samband við hana til að kynna mér starfsaðferðir hennar. Fleiri námsráðgjafar gerðu slíkt hið sama. Úr varð að Guðbjörg ákvað að halda sérstakt þjálfunarnámskeið fyrir námsráðgjafa til að kynna hugmyndafræði sína og kennsluaðferðir. Fyrsta námskeiðið var síðan haldið í nóvember 2003 og sótti ég það ásamt þremur öðrum námsráðgjöfum. Eftir áramótin fór ég síðan sjálf á stað með sjálfstyrkingarnámskeið Baujunnar í mínum skóla. Ég nýtti mér námskeiðin bæði fyrir litla hópa og einstaklinga. Námskeiðin hjálpuðu öllum þessum nemendum en misvel þó, allt frá algjörum ,,kraftaverkum“ til lítilla jákvæðra breytinga. Börnin höfðu að sjálfsögðu mismunandi þroska til að nýta sér og yfirfæra á hið daglega líf. Það er frábært að geta boðið upp á þessi námskeið í skólanum. Bæði kennarar og foreldrar hafa sótt um þessi námskeið fyrir börnin sín. Umsóknir eru fleiri en ég get annað.“

Ingveldur Gyða Kristinsdóttir, námsráðgjafi Korpuskóla

Undanfarin 2 ár hef ég starfað sem aðstoðarskólastjóri svo ég notaði Baujuna lítið á þeim tíma. Nú er ég aftur farin að starfa sem námsráðgjafi og er komin á fullt með Baujuna. Ég nota hana bæðifyrir litla hópa og svo í einstaklingsmeðferðum. Ég er ákaflega ánægð að geta boðið upp á þessa aðferð. Bæði foreldrar og starfsfólk skólans eruánægðir með námskeiðið. Takk fyrir að kenna mér Baujuna.

Ingveldur Gyða Kristinsdóttir, Náms og/starfsráðgjafi Breiðholtsskóla

Ég er búin að halda tíu Baujunámskeið í Sunnulækjarskóla á Selfossi en hróður Baujunnar hefur aukist smátt og smátt í skólanum mínum. Kennarar eru mjög ánægðir með fyrirkomulagið og ég alsæl. Baujutæknin virkar vel og skilar góðum árangri en að sjálfsögðu eru einstaklingar misjafnir og mistækir en flestir græða og ljúka námskeiðinu með aukna sjálfsvitund og sterkari sjálfsmynd. Ég nýti einnig Baujutæknina heilmikið í einstaklingsviðtölum sem og í hópráðgjöf. Auk þess nýtist Baujan vel í hinu daglega amstri. Hrein snilld!

Jóhanna Einarsdóttir Náms- og starfsráðgjafi, Sunnulækjarskóla – Selfossi

Baujuvaktinni minni er lokið þetta skólaárið og allt námskeiðshald verður sett í sumarleyfi. Það er skemmst frá því að segja að námskeiðin hafa gengið afar vel og ég er mjög ánægð með árangurinn. Sama er að segja um nemendur, kennara og foreldra þeirra sem hafa sótt námskeiðin. Aðferðin er greinilega langþróuð og virkar. Það er líka svo gaman að kenna Baujuna og sjá árangurinn svo greinilegan. Ég þakka enn og aftur fyrir að hafa verið svo lánsöm að kynnast þér og Baujunni þinni góðu.

Með Baujukveðjum,
Sigríður Johnsen, skólastjóri Lágafellsskóla

Það er gott að sem flestir þekki Baujuna. Baujan nýtist mér ekki bara í skólahjúkrun, ég er líka að vinna með stuðning þar sem fólk er að breyta um lífstíl og þar nota ég einnig Baujuna til að efla sjálfstyrkingu.

Ólöf hjúkrunarfræðingur

Baujan í Álftanesskóla.
uðbjörg hélt námskeið fyrir stúlknahóp þar sem samskipti hafa verið erfið í langan tíma. Baujan hjálpaði stúlkunum við skilja tilfinningar sínar. Við það komust samskiptin á hærra plan og hægt var að ræða málin opinskátt. Áður fyrr má segja að þær hafi verið í hálfgerðum skotgrafarhernaði en eiga nú auðveldara með að tjá sig. Mun færri ágreiningsmál hafa komið upp síðan þær tileinkuðu sér aðferðir Baujunnar og þegar þessu fáu mál koma upp leysa þær mun betur úr þeim.
Á sumum stúlkum má glöggt merkja að sjálfsmyndin hefur styrkst og hefur það hjálpað þeim í samskiptum og námi. Við, kennarar stúlknanna, reynum að vera dugleg að minna þær á lyklanna.

Kjartan og Marit kennarar.

„Ég hef unnið lengi með gerendum og þolendum eineltis. Mörg fornarlömb eineltis eru með brotna sjálfsmynd. Í Baujunni læra þátttakendur undirstöðuatriði í tilfinningavinnu til sjálfshjálpar og verða þar af leiðandi færari um að stjórna líðan sinni, hegðun og aðstæðum. Gerendur í eineltismálum eiga oft erfitt með að setja sig í spor annarra. Í Baujunni læra þau að hlusta á hvort annað, bera viðingu fyrir hvort öðru og að setja sig í spor annarra.
Þar sem þörf er á samskiptaaðstoð í bekk þar sem gætt hefur erfiðleika eða eineltis getur Baujan líka komið að góðum notum. Tilgangurinn er ekki að finna sökudólg heldur að breyta andanum svo öllum líði betur. Allir verða að leggja sitt af mörkum. Á einni viku er ótrúlegt hvað miklar breytingar geta orðið.“

Harpa Þórðardóttir , forvarnafulltrúi í Kópavogi

Guðbjörg byrjaði að kenna þessa aðferð í grunnskólum Reykjavíkur árið 2000. Námskeiðin þóttu skila það góðum árangri að hún gat vart annað eftirspurn. Hún hannaði því námskeiðspakka fyrir leiðbeinendur og bauð upp á leiðbeinendanámskeið svo fleiri gætu kennt námskeiðið. Náms-, starfs- og félagsráðgjafar, kennarar, sálfræðingar, djáknar, talmeinafræðingar, tómstundaráðgjafar, hjúkrunarfræðingar og aðrir þeir sem vinna að mannrækt hafa sótt leiðeinendanámskeiðið. Alls hafa um 140 manns sótt þessi leiðbeinendanámskeið og þar af 100 námsráðgjafar. Aðferðir Baujunnar eru því víða notaðar til þess að byggja upp sjálfstraust og bæta sjálfsímynd fólks á öllum aldri, ekki síst barna og unglinga í skólum landsins. Eftir ábendingu frá fagfólki ákvað Guðbjörg að skrifa samnefnda bók þar sem almenningur getur lesið sér til um aðferðir hennar og nýtt sér til sjálfshjálpar og hefur bókin m.a. verið þýdd á ensku. Síðastliðinn vetur dvaldi Guðbjörg í Kenía þar sem hún kenndi aðferðir Baujunar með góðum árangri. Baujan er ein þeirra aðferða sem hægt er að nota í grunnskólanum til þess að styrkja sjálfsmynd barna og unglinga. Sterk sjálfsmynd barna og unglinga getur dregið úr einelti og ofbeldishegðun og stuðlað að því að börn og unglingar leiðist síður út í vímuefnaneyslu, dregið úr þunglyndi og kemur í veg fyrir sjálfseyðileggingarhvatir ungmenna. Aðferð Baujunnar hefur reynst áhrifamikil, skilað góðum árangri á skömmum tíma og reynst nemendum heilladrjúgt veganesti.“

Sólborg Alda Pétursdóttir, Grunnskólafulltrúi, Skólaskrifstofu Mos.

Hef einmitt kynnt mér Baujuna og heyrt frá fólki sem hefur verið á námskeiðum hjá þér og notað aðferðirnar þínar í sinni vinnu með góðum árangri. Þetta er mjög áhugavert og á þessum óvissutímum er sannarlega vert að skoða það sem gæti styrkt fólk í erfiðri stöðu. Höfum þetta í huga þegar farið verður að skoða hvað við munum bjóða okkar fólki upp á varðandi úrræði.

Námsráðgjafi

Gaman að segja frá því að nemendur hér eru MJÖG ánægðir með námskeiðið og ein stúlka sem var hjá mér í fyrra, vill koma aftur!! Sú stúlka var hætt að mæta í skólann en eftir að hún fór í Baujuna er mætingin hjá henni fín og maður sér langar leiðir að henni líður miklu betur með sjálfa sig heldur en áður.

Námsráðgjafi

Ég er búin að vera dugleg öll mín ár að vinna með sjálfa mig og er búin að uppskera mikið og nýt lífsins af öllu hjarta það vantaði herslumuninn og Baujan gaf mér hann. Nú er bara að halda áfram og helst taka sem flesta með,gangandi dæmin eru best og smita vel frá sé. Þetta efni er hnitmiðað fullt af kjærleika og hittir beint í mark,ekkert verið að fara flóknar leiðir með einfalda hluti þetta er málið mín kæra,ég misti minn mann fyrir tíu árum eftir átta ára veikindi. Það er lífsreynsla sem þarf að vinna með. Ég á fjögur börn og mörg barnabörn allt gengur vel en vil að þau njóti þess frábæra sem ég fæ.Ég missti mína vinnu í janúar og varð veik um sama leyti, allt komið í fínt lag og kenndi þetta mér svo mikið. Ég kynntist yndislegum manni fyrir ári og er flutt til hans, hann glímir við erfið veikindi sem við í sameiningu ætlum að sigra og nú nota ég diskana þína okkur til mikillar gæfu. Hann er duglegur líka og finnst mér það alveg dásamlegt .Besta sem maður getur gert er að leggja vel inn á lífsins banka hann eyðist aldrei,en gefur góðan arð.

XXX

Sæl Guðbjörg, Eva Björk heiti ég og á dóttur sem fór á námskeið hjá þér í Hamraskóla fyrir líklega 2 árum þá á tíunda ári. Rétt fyrir áramót í fyrra urðu tölvuverðar breytingar hjá okkur fjölskyldunni þar sem við fluttum til Qatar vegna vinnu mannsins míns, sjálf átti ég voða erfitt með þetta allt saman þar sem þetta var algjörlega út fyrir boxið fyrir mig.
En á samatíma skoðaði ég hegðunina hjá dóttur minni og hún virtist svo yfirveguð og lítið stressuð yfir þessu, í raun var ég farin að halda að hún væri að byrgja þetta allt inni og ætti erfitt með að ræða þessar breytingar þannig að ég talaði um þetta við hana, en þá kom sú stutta með svo flotta lífsspeki að ég átti ekki til orð, hún sagði;
mamma ég er bara ekkert að dvelja við þær hugsanir sem mér finnst erfiðar, ég bara tel upp á 10 og skipti um hugsun, hugsa bara um eitthvað sem fær mig til að líða vel, eitthvað sem mér finnst skemmtilegt. Þá sagði ég við hana að það væri auðvitað allt í lagi að segja frá því ef maður væri kvíðinn eða héldi að maður ætti eftir að sakna einhvers og svo framvegis og þá kom aftur…
ég veit mamma en ég held að þetta eigi bara eftir að verða gaman og ef maður ákveður að eitthvað eigi eftir að ganga vel þá er líklegra að það geri það!!!
Ég hreinlega átti ekki til orð, þessu hafði ég engan veginn átt von á. Kringum jólin var svoldið erfiður tími og sérlega að þurfa að standa í því að vera að kveðja alla á þessari fjölskylduhátíð og nokkrum sinnum varð ég vitni af því þegar daman mín virkilega notaði þessa tækni að skipta um hugsun til þess hreinlega brotna ekki saman þegar henni hentaði það ekki.
Ég spurði hana hvar hún hefði lært þetta því eins mikið og mig mundi langa að taka heiðurinn af þessu brilliant uppeldisfræði þá hefði ég aldrei getað það því meiri vælukjóa var vart finnandi á þeim tíma ;) Hún átti ekki erfitt með að svara því hún hafði lært þetta á Bauju námskeiðinu í skólanum og fannst sér bara líða miklu betur eftir það því núna þekkti hún betur tilfinningar sínar!!

Eftir að við fluttum hingað út hefur henni gengið alveg hreint ótrúlega vel, hefur aðlagast vel í skóla verið fljót að eignast vini og náð enskunni ofsalega vel og í hreinskilni sagt vil ég helst þakka því hvernig hún hefur lært hvað jákvætt hugarfar getur fleytt manni langt og það að láta kannski ekki lítil atriði setja mann útaf laginu heldur „skipta bara um hugsun“.
Svo í lokin vil ég bara þakka þér fyrir vel unnið starf og finnst synd að ekki sé lengur svigrúm í skólum landsins til að halda áfram með svona námskeið sem geta breytt svo miklu fyrir framtíðina.

Bestu kveðjur frá ánægðu foreldri
Eva Björk Ágeirsdóttir

„Óttinn við tilfinningalega misnotkun, vegna slæmrar reynslu er mörgum fjötur um fót í mannlegum samskiptum og hindrar lífsgleði. Guðbjörg Thoroddsen (Bauja) hefur þróað aðferð sem getur hjálpað þeim sem hafa lent í þeim vítahring að leyfa vinum sínum að misnota sig tilfinningalega í von um að fá að vera með í hópnum.“

Magni Hjálmarsson, einn af upphafsmönnum stefnunnar „Uppeldi til ábyrgðar“ á Íslandi.